VIGAN CITY – Kaso a reckless imprudence resulting to double homicide and damage to property iti sangwen ni Reynald Necor Manzano nga agtawen iti tallo pulo ket lima, naasawaan ken agnaed idiay Balingaoan, Candon City a nagmaneho iti Fuso Canter Truck a naaksidente idiay Busel-Busel, Santiago idi alas kwatro baente singko iti malem ti July 2 a nakatayan iti dua nga STL agent a nabigbig nga isu da June Darele Galanote nga agtawen iti uppat a pulo ket dua, naasawaan, ken agnaed idiay Barangay Busel-Busel, Santiago kenni Walter Abad Fontanilla nga agtawen iti uppat a pulo ket pito nga agnaed idiay Bigbiga, Santiago.
Nu pay kasta, kinumpirmaran ni Police Lt. Carlos Mamitag, hepe ti Santiago municipal police station, nga idi met laeng July 3 ket nakapagpiyansa ni Manzano iti tallo pulo ribo a pisos para iti temporaryo a pannakawaya-waya na.
Desidido met iti pamilya dagiti biktima a mangidarum ken ti nagmaneho ti truck a naaksidente idiay Barangay Busel- Busel.
Kabayatanna, ti met pahinante ti truck a ni Glenn Basis Manzano nga agtawen iti dua pulo ket pito a nagsagaba iti dunor iti naduma-duma a paset iti bagi na ket nakaruwar metten iti ospital.
