VIGAN CITY – Natay ti maysa a tricycle driver ta dinungparna ti kannigid a paset ti maysa a closed van idiay Brgy. Suso, Sta. Maria.
Nabigbig ti nakalugan ti Rusi 125 Tricycle a ni Dindo Dato Dona agtawen ti lima pulo ket lima agnaed ti nasao a barangay ken ti Isuzu Closed van a minaneho ni Efren Clarin Milla agtawen tallo pulo ket maysa agnaed ti Brgy. Pinambaran, San Miguel, Bulacan.
Basar ti imbestigasyon ti Sta. Maria Municipal Police Station, agpapaamianan a direskyon ti tricycle ket immagaw ti linya iso a nadungparna ti akinkannigid a paset ti closed van.
Nagsagaba ti dunor iti nadumaduma a paset ti bagina ni Dona a naipan ti Ilocos Sur District Hospital Narvacan ngem naideklara a dead on arrival.
Ti agdama iggemen ti Sta. Maria PNP ti driver a ni Milla para iti naananay a disposisyonna.
