Nadunor ti driver ti tricycle kalpasan a nakadinnungparna ti maysa a pick-up truck iti Cervantes-Tagudin Road idiay Sitio Tay-ac, Barangay Comillas North, Cervantes, Ilocos Sur itay malem, June 15, 2026
Ti nagmaneho iti Mitsubishi Triton GLX 2WD AT ket lalaki nga agtawen iti tallopulo, naasawaan, veterinarian nga agnaed idiay Cervantes.
Ti met nagmaneho iti tricycle a Rusi ket lalaki nga agtawen iti sangapulo ket walo, estudyante nga agnaed idiay Barangay Comillas North Cervantes.
Naammoan nga agpapaamianan a direksyon ti pick-up iti idinto nga adda iti bangir a direksyon ti traysikel idin nadanonda iti nasao a lugar ket kellaat a nagsikko iti kannigid ti tricycle isu naipan iti linya ti pick-up.
Gap dayta ket naidungpar ti sangwanan a paset ti tricycle iti left-side portion iti pick-up a gappuanan ti panagbaliktad ti traysikel.
Gapu dayta ket nagsagaba ti minor injuries iti akin-kannawab nga ima ken saka iti nagmaneho ti tricycle isu a naipan iti Ilocos Sur District Hospital-Bessang Pass para iti pannakatamingna idinto a saan a naan-ano ti driver ti pick-up.
