--Ads--
Nadunor ti driver ti SUV kalpasan a naidungpar iti kayo iti acacia idiay Barangay Sto. Tomas, Candon City, Ilocos Sur itay parbangon, June 25, 2026.
Ti nagmaneho ti white Hyundai SantaFe SUV ket lalaki nga agtawen iti duapulo ket pito, naasawaan, self-employed, addaan ti driver’s license nga agnaed idiay Barangay San Jose, Candon City.
Agpapadaya a direksyon ti SUV idin nadanonna iti nasao a lugar ket kellaatna a liniklikan ti maysa nga aso a gappuanan iti pannakapukawna iti kontrol ti manibela ket naidungpar iti kayo ti acacia.
Gapu dayta ket nadunor iti akin-kannawan a kiday ken nagasgasan iti takyag ti driver isu a naipan iti Saint Martin de Porres Hospital para iti pannakatamingna.
-- ADVERTISEMENT --
