VIGAN CITY- Maysa a motorista iti pimmusay iti napasamak nga aksidente iti paset ti National Highway Brgy. Bungro, Magsingal.
Nabigbig ti nakalugan ti motorsiklo a pimmusay a ni Mark Bryan Sebastian agtawen ti tallo pulo ket dua ken ti driver ti Mazada Pick-up a ni Eduardo Yadao agtawen ti innem a pulo ket tallo.
Iti pannaki-uman ti Bombo Radyo Vigan kenni Police Executive Master Sergeant Archie Anipot, nakigtot laengen ti driver ti pick up a ni Yadao idi adda iti motorsiklo a nandungar ti luganna bayat iti panag U-turnna iti nasao a kalsada.
Innayonna nga iururayda ti resulta iti medico legal ti biktima ken no ania iti puon iti pannakatayna.
Nagpalawag ni Yadao inaig ti pasamak nga adda kuma idi ti sublianda iso a nag-Uturnda ngem sakbayna kinitana a nalaing ti kalsada no adda iti sumungsungad a lugan wenno awan iso a nakigtot laengen idi naidungpar ti motorsiklo ni Sebastian.
