Nagsabaga iti gasgas iti tumeng ti driver ti motorsiklo kalpasan iti panang-hit-and-run kenkuana ti maysa nga SUV iti provincial road idiay Barangay Gabao, Santiago, Ilocos Sur idi kalman, January 1, 2026.
Ti nagmaneho ti nalabbaga nga Easy Ride motor star a motorsiklo ket lalaki nga agtawen-iti-uppat a pulo ket siam nga agnaed idiay Barangay Amarao, Santa Cruz idinto a saan a nabigbig ti nagmaneho iti Gray Hyundai Tucson.
Agpada nga agpapabagatan a direksyon dagiti dua a lugan a ti akin-sango ket ti nakamotor idin nadanonda iti nasao a lugar ket nagbusina ti SUV tapno ag-over take isu a nagpabigay ti nakamotorsiklo ngem sinagid ti van iti nakamotorsiklo ken nagtuloy-tuloy latta a nagpabagatan a direksyon.
Maysa a lalaki iti nakakita iti pasamak isu a tinulonganna ti nagmaneho iti motorsiklo ken nabigbigna ti plate number ti SUV nga isu iti impakaammona kadagiti pannakabagi ti linteg.
Gapu ti sinagaba ti driver ti motorsiklo ket naipan iti Candon General Hospital para iti pannakatamingna.
