Nadunor ti driver ti motorsiklo kalpasan a naidungpar iti truck ken kotse iti national highway idiay Barangay Puspus, Bantay, Ilocos Sur itay 6:25PM, July 6, 2026.
Ti nagmaneho ti JAC Truck ket lalaki nga agtawen iti limapulo ket lima, naasawaan, addaan ti driver’s license nga agnaed idiay Barangay Ora West, Bantay.
Ti nagmaneho ti Suzuki Raider motorcycle ket lalaki nga agtawen iti sangapulo ket siam, estudyante, addaan ti driver’s license, nagaramat ti helmet nga agnaed idiay Barangay Salindeg, Vigan City.
Ti met akin-kukua iti nakaparking a Honda City RS ket lalaki nga agnaed idiay Bongtolan, Vigan City.
Sakbay iti insidente, ti truck ket adda iti inner lane nga agturong iti laud a direksyon idinto a ti nakamotorsiklo ket agturong met laeng iti laud a direksyon nga adda iti outer lane.
Idi nadanonda iti nasao a lugar, nagsikko iti kannawan ti truck ta sumrek iti maysa a warehouse idin nadungpar iti napaspas a patarayna a nakamotorsiklo isu a natamaan iti right bumper iti truck ken naidungpar pay iti nakaparking a kortse.
Gapu dayta ket nagsagaba ti minor injury ti driver ti motorsiklo ken naipaayan ti first aid babaen kadagiti nagresponde a personnel iti Bantay Rural Health Unit idinto a saan a naan-ano ti driver ti truck.
