Nadunor ti driver ti motorsiklo kalpasan a naidungpar iti maysa a Multi-Purpose Vehicle (MPV) iti national highway idiay Barangay Balaleng, Bantay, Ilocos Sur.
Ti nagmaneho iti Kawasaki Rouser motorcycle ket lalaki nga agtawen iti duapulo ket tallo, agnaed idiay Barangay Sallacapo, Sinait.
Ti nagmaneho met iti Toyota Innova ket lalaki nga agtawen iti innem a pulo ket tallo, driver, agnaed idiay Barangay Pagburnayan, Vigan City.
Maibasar iti CCTV footage, agpapabagatan a direksyon ti motorsiklo idinto nga agdaldalyasat iti bangir a direksyon ti MPV.
Idin nadanonda iti nasao a lugar ket kellaat a nagsikko iti kannigid ti MPV idinto nga immakar iti outer lane iti nakamotorsiklo tapno lumiklik ngem saan a naigawidan iti panagdinnungparda.
Gapu dayta ket gasgas iti sinagaba iti agduduma a paset ti bagi ti driver ti motorsiklo isu a naipan iti Northside Doctor’s Hospital para iti pannakatamingna idinto a saan a naan-ano ti driver ti MPV.
