VIGAN CITY- Nabigbigen ti nagmaneho ti Toyota Innova nga adda plate number na ZEV 461 a nanghit-and-run kadagiti agkabsat a nagkalubbon ti motorsiklo a da Edward ken Julius Raganit ,a taga Villamar, Caoayan idiay Cuta, Vigan City idi rabii.
Segun iti report ti Vigan City Police Station, ti driver ti Toyota Innova ket ni Dionisio Ocampo Tabuno , Jr., 47, naasawaan driver ti University of Northern Philippines ken taga Magsaysay Village, Tamag , Vigan City.
Inaklon ti driver a nakainom ti arak idi nagmaneho ket inpagarup na a basura ti nadungpar na.
Naaammuan a maysa a barangay tanod nga agpaspasada ti tricycle ti naka-plaka ti lugan isu nga inreport da nga insigida iti Vigan City Police Station.
Nadanun dagiti otoridad ti lugan nga awanen ti bumper na ket inrason ti suspek a nadungpar daytoy dagiti Indian national.
