VIGAN CITY – Inyunay-unay ni Governor Jerry Singson iti pagkasapulan ti dredging para iti pannakaliklik iti nakaru nga epekto iti layos gapu kadagiti bagyo.
Ti nasao a banag ket kalpasan iti pannakateppang ti maysa a pagtaengan iti Barangay San Pedro, Narvacan kagiddan ti Bagyo Goring.
Iti pannaki-uman ti Bombo Radyo Vigan ken ni Gov. Singson, namnamaen dagiti umili a patignayenna iti national government para iti nasao a banag tapno maipalubos iti dredging para iti pannakasalbar ti taltalon, kalsada, rangtay, pagtaengan ken dadduma pay.
Segun ken ni Gov. Singson, yamanenda dagiti maipapaay a tulong iti agduduma nga ahensya ngem masapul a ti kitaen ket nu kasano a liklikan iti damages iti probinsia.
Innayonna a masapul a maaddaan ti temporary preventive measure kagiddan ti panagtutudo ket inton malpas ket maaddaan ti permanent preventive measure a pagnaan dagiti danum nu ngumato wenno malayos.
VIDEO AUDIO GOV. JERRY SINGSON
Kabayatanna, ti nateppang iti pagtaengan idiay Barangay San Pedro Narvcan ket kukua ni Efren Dominguez Cabotage, agtawen ti tallopulo ket tallo, dati a Philippine National Police member nga adda ita idiay London.
Segun ti Narvacan Municipal Police Station, ti pagtaengan ket nateppang bayat ti napigsa nga ayos iti danum iti karayan gapu iti panagtudona nga epekto ti bagyo Goring.
Ngem nupay kasta, saan pay nga ammo nu mano ti gatad iti nadadael a pagtaengan.
