Natay ti driver ti tricycle gapu iti panagdinnungparda iti van iti national highway ti Barangay Resurrecion, San Juan, Ilocos Sur.
Ti nagmaneho iti blue Euro tricycle, ni Edgie Javier Guzman, agtawen iti innem a pulo ket maysa, naasawaan, residente iti nasao a lugar.
Ti nangmaneho iti Nissan van, ni Marcelino Madayag Consolacion Jr., agtawen iti innem a pulo ket pito, naasawaan, ken residente iti Brgy. Cupang, Santo Tomas, La Union.
Agturong iti laud a paset ti kalsada ti tricycle ket nagsikko iti akin-kannigid paset ti northbound lane idin ta nagdinnungparda ti sumungsungad a van.
Nadunor ti ulo ti drayber ti traysikel a dagus a naipaagas iti Pira Clinic and Hospital, Cabugao ngem saanen a nakalasat.
Nupay kasta, saan met a nadunor ti driver ti van ken dagiti inluganna.
