Drayber ti traysikel ken ti pasaherona, nadunor gapu ti pannaka-aksidenteda iti ili ti San Vicente

VIGAN CITY – Nadunor ti maysa a drayber ti traysikel ken ti pasaherona gapu ti pannakaidungparda iti SUV idiay Barangay Bantaoay, San Vicente.

Nabigbig ti nagmaneho iti traysikel a ni John Michael Romero Rigunay, agtawen iti uppat a pulo ken ti pasaherona a ni Arcelie Rin Rigunay, agpada a taga-Barangay San Sebastian, San Vicente.

Ti met nagmaneho iti SUV ket ni Medardo Miguel Gonzales, agtawen iti innem a pulo, negosyante, taga-Barangay Capangpangan, Vigan City

Agpapa-amianan a direksyon ti traysikel idin ta saanna a nakontrol ti manibela ti luganna ket naidungpar iti nakasinnabetna nga SUV.

Naipaagas iti ospital ti drayber ti traysikel ken ti pasaherona gapu ti pannakadunorda idinto a saan a naan-ano ti drayber ti SUV.