VIGAN CITY – Maysa ti nadnagran iti napasamak nga aksidente idiay National highway iti Barangay Poblacion, Quirino.
Nabigbig ti nagmaneho ti Green Isuzu forward truck a ni Danny Ulnagan, agtawen iti duapulo ket lima a taga-Oaig Daya, Candon idinto a ti nagmaneho ti Motorstar a motorsiklo ket ni Efren Martos, agtawen iti innem a pulo ket siam, naasaawan a taga Poblacion.
Sumangsaang-at ti tricycle nga adda iti asideg iti simbaan idinto a ti Elf Truck ket sumalog nga agpapabagatan a direksyon ngem al-alalayan dagiti helper gapu ti pannakadadael ti prenona.
Sensenyasan dagiti katulungan ti truck ti trcicyle idi nadanon ti lugar idin ta nadungpar ti truck ti tricycle a puon ti pannakadunor ti nagmaneho iti traysikel.
Saan met a naan-ano ti drayber ti truck idinto a naipan iti Quirino Primary Health Care Facility ti biktima para iti pannakatamingna.
