--Ads--
Nadunor ti maysa a drayber kalpasan a maawanan ti kontrol iti minanehona nga SUV ket naitinnag iti kapagayan idiay Barangay Lungog, Narvacan, Ilocos Sur.
Ti drayber ti SUV ket lalaki nga agtawen iti duapulo ket maysa, agnaed iti Pidigan, Abra.
Agpapa-abagatan ti SUV idin ta ginandat ti drayber ti ag-overtake iti maysa pay a lugan.
Gapu dayta, saanna a nakontrol ti manibela ti lugan isu a napan iti bangir a linya ket naidungpar iti railings ken naitinnag iti kapagayan.
-- ADVERTISEMENT --
Nagasgasan ti nadumaduma a paset ti bagi ti drayber a naipaagas iti ospital para iti pannakatamingna.
Adda met dadael ti lugan ngem saan pay nga ammo no mano ti gatad ti pannakaipaisimpana.
