Pinaiayaban ti Land Transportation Office ti drayber ti pickup truck a nakadungpar ken nakapatay iti agtawen-iti-pito a babai idiay Suyo, Ilocos Sur.
Segun iti LTO, nangiruarda iti show cause order kontra iti pick-up truck driver, ken kayatda nga ipasango iti LTO Intelligence and Investigation Division inton January 23.
Nabilin ti drayber nga agipasa iti sworn statement ken nailawlawag no apay a saan a madusa iti reckless driving ken panagbalin nga improper person to operate a motor vehicle mainaig iti pasamak a nakatayan ti ubing.
Naipasidong iti alarma ti LTO ti pick-up truck ti nasuspenso iti 90 nga aldaw ti lisensya ti motorista.
Nagballaag ti LTO a ti saan nga isasango ti drayber iti panagdengngeg wenno panangipasa iti sworn affidavit ket kayatna a sawen a panangisukona iti karbenganna a mangilawlawag ken sulbaren ti ahensia ti kaso maibasar iti adda nga ebidensia.
