--Ads--
Dead on arrival ti maysa a nagmaneho iti motorsiklo gapu iti aksidente a napasamak iti Barangay San Pedro, Narvacan, Ilocos Sur.
Nabigbig ti natay a drayber a ni Jereb Urmin Ibus, agtawen iti duapulo ket maysa, taga-Nalvo, Sta. Maria, minanehona ti maysa nga XRM motorcycle.
Agpapa-amianan ti motorsiklo ket idi makadanon iti kurbaan a paset ti kalsada, saan a natantya ti drayber ti kalsada ket naawanan iti kontrol iti minanehona a lugan isu a napan iti bangir a linya ket naitinnag iti tallo a kadapan ti kaunegna a paset ti kalsada.
Nagsagrap iti nakaro a dunor ti drayber ket naipaagas iti ospital ngem saanen a naispal ti biagna.
-- ADVERTISEMENT --
