Dead on arrival ti maysa a nagmaneho iti motorsiklo gapu iti pannaka-aksidentena idiay Liberation Boulevard, Barangay San Julian Sur, Vigan City, Ilocos Sur.
Ti natay a drayber ti Honda Click motorcycle ket ni Kenneth Joshua Herrera Tabalan, agtawen iti duapulo ket uppat, backrider-na ni Paul Pamo Madriaga, agtawen iti duapulo ket tallo, agpada a taga-Barangay Santo Tomas, Sto. Domingo.
Nakasuot iti helmet dagiti dua ken nakainomda idi mapasamak ti insidente.
Maibasar iti imbestigasyon, agpapalaud ti motorsiklo ket idi madanonna ti nakapasamakan ti insidente, saan a nakontrol ti drayber ti manibela ti luganna ket naidungpar iti traffic island iti kalsada.
Gapu dayta, nadunor ti nadumaduma a paset ti bagi dagiti nagkalubbon a naipaagas iti ospital ngem dead on arrival ti drayber idinto a maob-obserbaran ti backrider.
