--Ads--
VIGAN CITY – Dead on arrival ti maysa a nagmaneho iti motorsiklo gapu ti pannaka-aksidentena idiay Barangay Nambaran, Santo Domingo.
Nabigbig ti natay a drayber a ni Joanth Delgado, agtawen iti uppat a pulo, tubo iti Sta. Teresita, Cagayan ken agnaed idiay Barangay Vacunero, Sto. Domingo a daytoy ket nagmaneho iti Kawasaki Fury a motorsiklo.
Agpapalaud a direksyon ti motorsiklo idin ta saan a nakontrol ti drayber ti manibela ti motorsiklona ket naidarusdos iti akin-kannawan a paset ti kalsada.
Gapu dayta, nadunor ti nadumaduma a paset ti bagi ti biktima a naipaagas iti Ilocos Sur District Hospital-Magsingal ngem saanen a nakalasat.
-- ADVERTISEMENT --
Nakainom ti drayber iti arak idi mapasamak ti aksidente ken daytoy ket nakasuot met iti helmet.
