VIGAN CITY – Natay ti maysa a drayber ti motorsiklo gapu ti aksidente a napasamak idiay Barangay Dan-ar, Santiago a nakairamanan ti motorsiklo ken ti 18-wheeler a truck tractor.
Nabigbig ti nagmaneho iti SYM 125 motorcycle a ni Nathaniel Jhay Bongolan, agtawen iti duapulo ket tallo, agnaed iti Barangay Dan-ar idinto a ti nagmaneho met iti tractor ket ni Gilmerito Parallag Yuson, agnaed iti Duminit, Cauayan City, Isabela.
Agpapa-amianan ti tractor idin ta nagsardeng ta kinitana ti makina ti lugan.
Bayat a naka-hazard wenno warning sign ti sango ken likod ti trak, natukbob daytoy ti motorsiklo nga agpapa-amianan a direksyon.
Nadunor ti ulo ken nadumaduma a paset ti bagi ti drayber ti motorsiklo a naipaagas iti ospital ngem naideklarar a dead on arrival.
