--Ads--
Natay bayat iti pannakatamingna ti maysa a drayber ti motorsiklo gapu iti pannakaidungparna iti poste iti barangay road idiay Barangay Sinabaan, Sta. Catalina, Ilocos Sur.
Nabigbig ti drayber ti Yamaha Sight motorcycle a ni Jesusan Bustos Aquino, agtawen iti limapulo ket innem, Day Care Worker, agnaed iti nasao a lugar.
Sakbay ti insidente, agpapadaya ti motorsiklo ket idi magtengna ti nakapasamakan ti insidente, saan a nakontrol ti drayber ti manibela ti luganna ket naidungpar iti poste ti koriente.
Nagsagrap iti nakaro a dunor iti ulo ti drayber a naitaray iti ospital ngem saanen a nakalasat.
-- ADVERTISEMENT --
