Nadunor ti maysa a drayber iti panagdinnungpar ti motorsiklo ken van iti national highway ti Barangay Ayudante, Candon City, Ilocos Sur.
Ti Honda TMX 125 ket minaneho ti lalaki nga agtawen iti limapulo ket pito, agnaed iti Barangay Lubong, Sta. Maria.
Ti met L300 van ket minaneho ti lalaki nga agtawen iti duapulo ket walo, agnaed iti Barangay Camansi, San Fernando City, La Union, inluganna ti lalaki nga agtawen iti duapulo ket uppat ken ti maysa pay a lalaki nga agtawen iti duapulo nga agpada a taga-Barangay Ballangayan Este, San Fernando City, La Union.
Agpapa-abagatan dagiti dua a lugan, ket idi madanonda ti nakapasamakan ti insidente, nagsardeng ti motorsiklo iti igid ti kalsada ta bumallasiw koma iti diversion road idin ta nadungpar ti sumungad a van.
Gapu dayta, nadunor ti nadumaduma a paset ti bagi ti drayber ti motorsiklo isu a naipaagas iti ospital para iti naan-anay a pannakatamingna.
Saan met a naan-ano ti drayber ken pasahero ti van.
