Nadunor ti maysa a drayber ti motorsiklo kalpasan a madungpar daytoy iti maysa a Toyota Taraw iti national highway iti Barangay Maynganay Norte, Sta. Maria, Ilocos Sur.
Ti drayber ti motorsiklo ket lalaki nga agtawen iti tallopulo ket lima, agnaed iti Barangay Nagtupacan.
Ti met Tamaraw ket minaneho ti lalaki nga agtawen iti duapulo ket lima, agnaed iti Barangay Margaay, Narvacan.
Agpada nga agturong dagiti dua a lugan iti amianan a direksion a Tamaraw ket sarsarunwenna ti motorsiklo.
Idi madanonda ti nakapasamakan ti aksidente, nagsardeng ti motorsiklo iti shoulder lane sakbay a nagpakannigid.
Pinadas ti Tamaraw ti aglisi ngem nadungparna latta ti kannigid a paset ti motorsiklo.
Nadunor ti saka ken nagasgasan ti nadumaduma a paset ti bagi ti drayber ti motorsiklo idinto a saan a naan-ano ti drayber ti Tamaraw.
Agpada a naipaagasda iti ospital para iti naan-anay a pannakatamingda.
Naduktalan a nakainom ti drayber ti motorsiklo idi mapasamak ti aksidente.
