--Ads--
Nadunor ti maysa a drayber ti motorsiklo gapu iti pannakatukbobna ti maysa a lugan iti national road ti Barangay Mambug, Burgos, Ilocos Sur.
Ti Euro Samurai 155 motorcycle ket minaneho ti lalaki nga agtawen iti duapulo ket uppat, taga-Barangay Lubong, Sta. Maria.
Ti met Tamaraw FX ket kukua ti lalaki nga agtawen iti limapulo ket uppat, taga-Purok 28 Mahabang Parang, Martinez Compound, Angono, Rizal a daytoy ket naiparking iti igid ti kalsada.
Nakaawat ti report ti Burgos Municipal Police Station nga adda lalaki a nakaidda iti nasao a lugar isu a dagus met a tinurongda.
-- ADVERTISEMENT --
Maibasar iti inisial nga imbestigasion, agpapa-amianan ti motorsiklo idin ta nagtuglep ket saanna a nakontrol ti lugan isu a natukbobna ti nakaparking a Tamaraw FX.
