--Ads--
2 a drayber ti nadunor iti napasamak nga aksidente iti national highway idiay Barangay Nanguneg, Narvacan, Ilocos Sur.
Karaman iti aksidente ti maysa a Honda XRM motorcycle a minaneho ti lalaki nga agtawen iti limapulo ket innem, taga-Barangay Nanguneg East, Narvacan.
Ti met Yamaha Mioi 125 motorcycle ket minaneho ti agtawen iti uppat a pulo ket pito, taga-Barangay Nagtupacan, Sta. Maria.
Agpapa-amianan ti XRM ket idi nadanonna ti nakapasamakan ti aksidente, natukbob ti Mio nga aggapu iti isu met laeng a direksion ti likudan a paset ti XRM isu nga agpada a naigalis ken naipurwakda iti kalsada.
-- ADVERTISEMENT --
