Drayber ti motorsiklo, nadunor iti napasamak a hit-and-run

Nadunor ti nagmaneho iti motorsiklo gapu iti napasamak a hit and run idiay Alvaro Street, Barangay San Isidro, Candon City, Ilocos Sur.

Ti nadunor ket babai nga agtawen iti tallopulo ket dua, agnaed iti Barangay Caterman, Candon City.

Agpapa-amianan ti biktima nga agsikko koma iti kannigid a sumrek iti Alvaro Street idin ta matukbob daytoy ti sedan.

Imbes a tulonganna ket napaspas a naglibas ti sedan a nagturong iti amianan.

Nadunor ti nadumaduma a paset ti bagi ti biktima ket naipaagas iti ospital para iti pannakatamingna.

Agtultuloy met ti imbestigasion dagiti pannakabagi ti linteg tapno mabigbig ti drayber ti sedan a naglibas.