Maysa ti nadunor iti aksidente a napasamak iti sangwanan ti Candon Farmers Market idiay Barangay San Nicolas, Candon City, Ilocos Sur.
Dagiti karaman a lugan ket ti traysikel a minaneho ni Rolando Cabida Latawan, agtawen iti innem a pulo ket uppat, Barangay Kagawad, taga-San Pedro, Candon City.
Ti met motorsiklo ket minaneho ni Jenbert Anor Cadag, agtawen iti sangapulo ket walo, 2nd year college student, taga-Barangay San Agustin, Candon City.
Agpapalaud ti traysikel ket idi nagtengna ti nakapasamakan ti insidente, nagsikko nga agpakannigid tapno sumrek iti Candon Farmers Market ngem isu met ti gundaway a pannakadungpar ti napaspas ti patarayna a motorsiklo nga aggapu iti laud.
Nadunor ti nadumaduma a paset ti bagi ti nagmaneho iti motorsiklo a naipaagas iti ospital idinto a saan a naan-ano ti drayber ti traysikel
