--Ads--
Maysa ti nadangran iti napasamak nga aksidente iti national highway ti Barangay Poblacion Norte, Sta. Maria, Ilocos Sur.
Ti XRM motorcycle ket minaneho ti agtawen iti tallopulo, taga-Barangay Rissing, Bangar, La Union.
Ti met Isuzu Wing van truck ket minaneho ti agtawen iti duapulo ket pito, taga-Barangay Pugo, Cuyapo, Nueva Ecija.
Agpapabagatan ti motorsiklo idinto nga adda iti bangir a linya ti wing van.
-- ADVERTISEMENT --
Bayat ti panang-overtake ti wing van iti sarsarunwenna a trailer truck, saan a nakapaigid ti motorsiklo isu a nadungpar daytoy ti wing van.
Gapu dayta, nadunor ti nadumaduma a paset ti bagi ti nagmotorsiklo idinto a saan a naan-ano ti drayber ti wing van.
Natakuatan a ti nagmotorsiklo ket nakainom idi napasamak ti aksidente.
