--Ads--
Nadunor ti maysa a drayber kalpasan a maaksidente ti motorsiklo a minanehona iti national highway idiay Barangay Dan-ar, Santiago, Ilocos Sur.
Ti drayber ket agtawen iti duapulo ket walo, driver ti ISECO, agnad iti Sta. Cruz.
Agsinsinnaruno nga agdaldalyasat nga agpa-amianan ti maysa a traysikel ken dua a motorsiklo.
Idi gandaten ti biktima ti ag-overatek, bigla met a nagsikko iti bangir a linya ti maysa pay a Honda Click nga ag-overtake met laeng.
-- ADVERTISEMENT --
Gapu dayta, dagus a nagpreno ti drayber ngem naawanan iti kontrol iti motorsiklona isu a natwang iti kalsada.
Nadunor ti nadumaduma a paset ti bagina, idinto nga adda met dadael ti motorsiklona.
