VIGAN CITY – Nadunor ti maysa a nagmaneho iti motorsiklo gapu iti pannakatukbobna iti Aluminum 10-Wheeler Wing Van iti national highway ti Barangay Bio, Tagudin, Ilocos Sur kangrunaan iti asideg ti arko.
Nabigbig ti nagmaneho iti black Euro150 a motorsiklo a ni George Confitente Lemi Sr., agtawen iti pitopulo ket dua, taga-Barangay Magsaysay, Tagudin, Ilocos Sur.
Ti met wing van ket ni Medel Pavo Cerna, agtawen iti tallopulo ket walo, taga-Barangay 125 Andolid, Mangaldan, Pangasinan.
Agpada nga agpapa-abagatan dagiti dua a lugan ket idi nagpreno ti wing van gapu iti traffic ta manarimaan iti pannakatarimaan ti arko ket natukbob ti napaspas patarayna a motorsiklo ti wing van.
Gapu dayta, nadunor ti ulo ti nagmaneho iti motorsiklo ken naipaagas iti ospital para iti pannakatamingna idinto a saan a naan-ano ti drayber ti wing van.
Nadadael pay ti sangwanan a pilid, fender, side mirror, ken handle bar idinto a ti wing van ket nadadael ti left rear siding ken rear bumper-na.
