--Ads--
VIGAN CITY – Nadunor ti maysa a nagmaneho iti motorsiklo gapu ti pannakadungparna iti aso bayat ti panagmotorsiklona idiay Barangay Cabaroan, Magsingal, Ilocos Sur.
Nabigbig ti drayber iti Yamaha NMAX a ni Robert Viloria Dela Cruz, agtawen iti tallopulo ket tallo, taga-Barangay Cabaroan, Magsingal.
Maibasar iti imbestigasyon dagiti pannakabagi ti linteg, agpapalaud ti motorsiklo idin ta nadungparna ti bimmallasiw nga aso ket saanna a nakontrol ti manibela ti luganna, puon ti pannakaidarusdosna iti kalsada.
Nadunor ti muging ti drayber argaman ti akin-kannigid a pingping ken nagasgasan ti nadumaduma a paset ti bagina a naipaagas iti Sta. Monica, Magsingal para iti naan-anay a pannakatamingna.
-- ADVERTISEMENT --
