--Ads--
VIGAN CITY – Maysa a drayber ti nadunor iti napasamak nga aksidente iti national highway ti Barangay Buquig, Bantay, Ilocos Sur.
Ti nagmaneho iti Yamaha Mio i125 ket ni Angelo Pascual Monces, agtawen iti duapulo ket lima, taga-Pantay Daya, Vigan City.
Kabayatanna, ti met nagmaneho iti Nissan Urvan ket ni Teodulo Traya Nuas II, agtawen iti tallopulo ket maysa, taga-Sitio Tanay Ville Tandang Kutyo, Tanay Rizal.
Basar iti ala ti CCTV footage, agpada nga agpapalaud dagiti dua a lugan idin ta ti Nissan Urvan ket inokuparna ti right outer a naka-flasher ket nagsikko nga agpakannigid isu a natukbob daytoy ti motorsiklo.
-- ADVERTISEMENT --
Naipaagas iti ospital ti drayber ti motorsiklo idinto a ti drayber ti Nissan Urvan ket saan a naan-ano.
