--Ads--
Naduor ti nadumaduma a paset ti bagi ti drayber ti motorsiklo a naaksidente idiay Barangay Immayos Norte, San Juan, Ilocos Sur.
Ti drayber ket maysa a lalaki nga agtawen iti tallopulo ket maysa, taga-Barangay Calanutian, Sinait, minanehona ti Yamaha Nmax motorcycle.
Agpapa-amianan ti motorsiklo ket idi nadanonna ti nakapasamakan ti aksidente, naidungpar iti likudan ti trailer trak a naka-hazard parking gapu iti mechanical error.
Dunor iti ulo ken nadumaduma a paset ti bagi ti sinagrap ti drayber a naipaagas iti ospital para iti naan-anay a pannakatamingna.
-- ADVERTISEMENT --
