Nadundunor iti nagmaneho ti motorsiklo ta nakadinnungparna iti maysa a kotse iti panagdalyasatna iti national highway idiay Barangay Taleb, Bantay, Ilocos Sur idi rabii (11:10PM), May 4, 2025.
Ti karaman ket ti gray Honda Civic a minaneho iti agtawen iti tallopulo ket maysa a lalaki a holder iti professional driver’s license idinto a ti nagmaneho iti pink/white Yamaha Mio i125 ket lalaki nga agtawen iti duapulo ket tallo a taga-Barangay Taleb, Bantay a saan a nagaramat iti helmet ken saanna nga iggem ti driver’s license na idi napasamak iti insidente.
Segun ti driver ti kotse, agpapadaya a direksyon isuna idin ti nakamotorsiklo nga aggapu iti bangir a direksyon ket pinanggepna iti nag-overtake iti maysa pay a motosiklo iti inner lane a gappuanan ti panang-agawna iti linya ti kotse a rason iti aksidente.
Numan pay impadas ti nakakotse a liklikan ti nakamotor ket makita iti skid marks iti kalsada a rason iti aksidente.
Gapu ti sinagaba a dunor ti nakamotor ket intaray isuna dagiti nagresponde a personnel iti Municipal Disaster Risk Reduction and Management Council idiay Ilocos Sur Provincial Hospital-Gabriela Silang idinto a ti nagmaneho iti kotse ket nagsakit iti akin-kannigid a tumengna ken naipan iti isu met laeng nga ospital.
Nadadael iti akin-kannigid a paset ti akin-sango a bumper ken headlight ti kotse idinto a ti motorsiklo ket nakaru iti nadadael iti sangwanan a pasetna.
Naammoan a ti driver ti motorsiklo ket naka-inom iti arak idi napasamak iti aksidente.
