Nadundunor ti drayber ti maysa a motorsiklo gapu ti pannakadungpar ti Fortuner iti Barangay Parada ili ti Sto. Domingo
Ti drayber ti motorsiklo ket estudyante, agtawen ti dua pulo ket maysa, taga Barangay Napo, Magsingal, Ilocos Sur.
Ti met driver ti Fortuner ket agtawen iti innem a pulo ket pito, kalugan na iti agtawen iti tallo pulo ket dua agpada nga residente iti Barangay Panay Norte, Magsingal.
Basar iti imbestigasyon, nakaparada ti Fortuner iti laud a paset ti national highway a simmango ti amianan id kellaat daytoy a nagsikko ket dituy a nadungpar na ti sumungad a motorsiklo.
Nagsagaba iti pannakadunor iti nadumaduma a paset ti bagi ti drayber ti motorsiklo a dagus a naitaray iti balay pagagasan para iti naananay a pannakataming na.
Saan met a naanano dagiti nagkalugan iti Fortuner iti napasamak nga insidente.
