--Ads--
Nadangran ti maysa a drayber iti panagdinnungpar ti motorsiklo ken kotse iti national highway ti Barangay Balaleng, Bantay, Ilocos Sur.
Agpapa-abagatan ti motorsiklo idinto nga adda iti bangir a linya ti kotse.
Iti madanonda ti nakapasamakan ti aksidente, bimtak ti pilid ti kotse iti sango isu a saan a nakontrol ti drayber ti lugan ket naipan iti linya ti motorsiklo isu a nagdinnungparda.
Natukkol ti kannigid a saka ken nadunor ti nadumaduma a paset ti bagi ti nagmotorsiklo idinto a saan a naan-ano ti drayber ti kotse.
-- ADVERTISEMENT --
Nagpalagip met ti Bantay Municipal Police Station iti publiko nga agannad iti panagmaneho ken siguradwen a dagiti lugan ket nakakondision sakbay nga ibiahe.
