Nadunor ti maysa a drayber ti motorsiklo gapu iti pannakatukbobna iti bus iti national highway ti Barangay IV, Bantay, Ilocos Sur.
Ti Partas bus ket minaneho ni Romeo Rosetes Rosario, agtawen iti uppat a pulo ket dua, taga-Barangay Paing, Bantay.
Ti met Honda PCX motorcycle ket minaneho ni Rhomel Cabasal, taga-Barangay Concepcion, Gregorio Del Pilar.
Agpapadaya ti motorsiklo idin ta agpapa-amianan met ti bus a sumrek iti national highway ket natukbob ti motorsiklo ti akin-kannigid a paset ti likudan ti bus.
Natukkol ti akin-kannawan a pungwa-pungwan ti drayber ti motorsiklo ken nadunor ti nadumaduma a paset ti bagina a naitaray iti ospital para iti naan-anay a pannakatamingna.
Ti met drayber ti bus ken dagiti pasaherona ket saan a naan-ano.
Nadadael ti radiator screen ti bus idinto a nakaro ti dadael ti motorsiklo.
Nakahelmet ti drayber ti motorsiklo ken nakainom idi napasamak ti aksidente.
