--Ads--
VIGAN CITY – Naipaagas iti ospital ti maysa a nagmaneho iti motorsiklo ken ti ubing a nadungparna idiay Rizal Street, Barangay III, Vigan City, Ilocos Sur.
Nabigbig ti nagmaneho iti motorsiklo a Yamaha Mio a ni Gemar Jhon Guray Urayanza, agtawen iti sangapulo ket siam, taga-Pagsanaan Norte, Magsingal.
Ti met nadungpar ket maysa nga agtawen iti sangapulo ket maysa nga agnaed met iti Barangay III, Vigan City.
Dumaldalyasat ti motorsiklo iti nasao a lugar idin ta nadungparna ti ubing a nagballasiw iti kalsada.
-- ADVERTISEMENT --
Gapu dayta, agpadadaa nadunor ken naipaagas iti Ilocos Sur Provincial Hospital-Gabriela Silang-Vigan City, para iti pannakatamingna.
