Dead on arrival ti drayber ti motorsiklo ken ti senior citizen a nadungparna idiay Barangay Sulvec, Narvacan, Ilocos Sur.
Ti drayber ti motorsiklo ket lalaki nga agtawen iti tallopulo, supermarket employee, taga-Barangay San Jose, Narvacan.
Ti met pedestrian ket agtawen iti innem a pulo ket lima, resort maintenance personnel, agnaed iti Barangay Sulvec.
Iti pannaki-uman ti Bombo Radyo Vigan ken ni PLT. Sonny Orpilla, Deputy Chief of Police ti Narvacan Municipal Police Station, napaspas ti pataray ti nagmotorsiklo ket saanna a napakadaan ti bigla nga ibaballasiw ti senior citizen isu a nadungparna.
Gapu iti impact ti aksidente ket agpada a naipurwak iti kalsada ti drayber ken ti nadungparna a senior citizen.
Agpada a nadunor ti nadumaduma a paset ti bagi ti drayber ken ti nadungparna ket naipaagada iti ospital para iti naan-anay a pannakatamingda ngem saandan a nakalasat.
