--Ads--
Dua ti nadangran iti napasamak nga aksidente iti national highway ti Barangay San Antonio, Narvacan, Ilocos Sur.
Ti drayber ti Kawasaki Barako 175 motorcycle ket lalaki nga agtawen iti sangapulo ket walo, agnaed iti nasao a lugar.
Kabayatanna ti met pedestrian ket maysa nga adda parikut iti panagpampanunotna, agnaed idiay Moncada, Tarlac.
Iti pannaki-uman ti Bombo Radyo Vigan ken ni PMSG. Rogelio Molina, agpapa-amianan ti motorsiklo idin ta bigla a bimmallasiw ti pedestrian isu a nadungparna.
-- ADVERTISEMENT --
Ti pedestrian ket natukkol ti kannawan nga imana ken nadunor ti ulona, idinto a ti drayber ti motorsiklo ket nagsagrap iti minor injuries.
Nakasagana met ti drayber a tumulong iti magasto nga agpaagas ti pedestrian.
