--Ads--
VIGAN CITY – Pimmusayen ti nagmaneho iti motorsiklo a nakatukbob iti kalesa iti Quirino Boulevard idiay Barangay VI, Vigan City, Ilocos Sur.
Nabigbig ti natay a ni Antonio Paet Navarrete, agtawen iti duapulo ket walo, taga-Barangay IX, Vigan City, awan ti lisensya ken helmet-na idi nagmaneho ken nakainom idi mapasamak ti insidente.
Ti met kutsero ket ni Mario Torres Santella, agtawen iti tallopulo nga agnaed idiay Brgy. Don Lorenzo Querubin, Caoayan.
Maipalagip nga agpapa-abagatan ti kalesa ken motorsiklo idin ta natukbob ti motorsiklo ti likudan ti kalesa a sarsarunwenna isu a nadunor ti nadumaduma a paset ti bagi ti drayber ti motorsiklo a puon ti nakatayanna idinto a saan a naan-ano ti kutsero.
-- ADVERTISEMENT --
