Natay ti drayber ti motorsiklo gapu iti pannakatukbobna iti dump truck iti national highway idiay Barangay San Pablo, Sto. Domingo, Ilocos Sur.
Nabigbig ti nagmaneho iti Yamaha R3 motorcycle a ni Mike Adam Cuenca, agtawen iti tallopulo ket tallo, mortgage broker, taga-San Ramon, Magsingal.
Ti met Howo dump truck ket minaneho ni Rolando Ariola Acosta, agtawen iti tallopulo ket innem, taga-Barangay Bagong Pagasa 56, San Jacinto, Pangasinan.
Nabuntog nga agpapa-abagatan ti trak a naka-hazard signal gapu iti flat a pilidna.
Idi nagteng ti nakapasamakan ti insidente, ti motorsiklo nga agappu iti likud a napaspas ti tarayna ket natukbobna ti likudan a paset ti dump truck.
Nagsagaba iti nakaro a dunor iti ulo ken nadumaduma a paset ti bagi ti drayber ti motorsiklo a naipaagas iti ospital ngem naideklarar a dead on arrival idinto a ti drayber ti trak ket saan met a naan-ano.
Adda helmet ti drayber ti motorsiklo ngem daytoy ket nakainom idi mapasamak ti aksidente.
