Maysa ti nadangran iti napasamak nga aksidente iti bypass road ti Barangay Bagani Gabor, Candon City, Ilocos Sur.
Ti Yamaha Mioi 125 motorcycle ket minaneho ti agtawen-iti- duapulo ket innem a lalaki, taga-Barangay Pias, Salcedo, kinalubbonna ti agtawen-iti-duapulo ket siam a babai a taga-Barangay Sagat, Sta. Cruz.
Ti met Mitsubshi Lancer a kotse ket minaneho ti lalaki nga agtawen iti pitopulo ket tallo, inluganna ti agtawen met laeng iti pitopulo ket tallo a lalaki nga agpada a taga-Barangay Alfonso, Del Pilar.
Agpapa-abagatan ti motorsiklo, idinto ta ti kotse nga agpapa-amianan ket nagsikko iti kannigid.
Iti dayta a gundaway, nadungpar ti motorsiklo ti kannawan a front door ti kotse iti agpaabagatan a linya ti kalsada.
Nagasgasan ti kannawan a tumeng ken kannigid nga ima ti nagmaneho iti motorsiklo, ngem saanen a nagpaagas, idinto a ti backrider ken dagiti naglugan iti kotse ket saan a naan-ano.
