Maysa ti nadangran iti napasamak nga aksidente iti national highway ti Barangay San Agustin, Candon City a nakairamanan ti bus ken motorsiklo.
Ti Florida bus ket minaneho ni Richard Salvador Grande, agtawen iti uppat a pulo ket tallo, taga-Barangay Baresbes, Dingras, Ilocos Norte.
Ti met Yamaha NMAX motorcycle ket minaneho ni Sherman Cris Vallejos Elefante, agtawen iti tallopulo, taga-Barangay Olo-olo Norte, Santiago.
Agpapa-abagatan ti bus, idinto ta agpapa-amianan ti motorsiklo ket idi nagteng ti nakapasamakan ti aksidente, nakadungpar ti drayber ti motorsiklo iti aso a nagballasiw iti kalsada, isu a saanna a nakontrol ti minanehona a lugan.
Gapu dayta, naisina ti drayber manipud iti minanehona a motorsiklo ket nadungpar iti sumungad a bus.
Gapu dayta, nadunor dagiti tumeng ti nagmaneho iti motorsiklo a naipaagas iti ospital para iti pannakatamingna idinto a saan a naan-ano ti drayber ti bus.
