VIGAN CITY – Pimmusayen ni Julius Cesar Marinas, agtawen iti duapulo ket lima, taga-Paing, Bantay, nagmaneho iti motorsiklo a naidungpar iti traysikel a minaneho ni Stanley Andres, agtawen iti uppat a pulo nga immuna a natay iti aksidente idiay Taleb.
Iti pannaki-uman ti Bombo Radyo Vigan ken ni P/Capt. Juan Jhayr Maggay, alas dos y media iti malem idi pimmusay ti maysa kadagiti biktima idinto nga awan pay laeng iti puotna ni Phoebe Andres, agtawen iti uppat a pulo ket maysa a backrider ti traysikel pakairamanan ti menor de edad nga anakda a nadunor iti pispisna.
Naggapu idiay Bantay ti nagmaneho ti motorsiklo idin ta immagaw iti linya ti traysikel a naggapu idiay Santa isu a napasamak ti nakaam-ames nga aksidente a nakatayan dagiti dua a drayber.
Gapu ti dayta, binalakadan ni Maggay dagiti agmanmaneho a rumbeng a disiplinadoda nga agpataray iti kalsada tapno maliklikan ti aksidente.
