Drayber ti motorsiklo a naidungpar iti poste iti ili ti San Vicente, natay

VIGAN CITY – Natay ni Maximo Robin, agtawen iti limapulo, taga-Barangay Sagsagat, San Vicente, nagmaneho iti motorsiklo gapu ti pannaka-aksidentena iti nasao met laeng a lugar.

Daldalyasaten ti drayber ti agpadaya a direksyon idin ta saanna a nakontrol ti manibela ti luganna ket naidungpar iti streetlihght wenno steel post.

Gapu dayta, nagsagaba iti nakaro a dunor ti ulona a dagus met a naipaagas iti ospital ngem natay bayat ti pannakatamingna.

Mapapati a ti drayber ket nagmaneho a nakainom iti arak.