--Ads--
Natay bayat iti pannakatamingna ti maysa a nagmaneho iti motorsiklo a naaksidente iti national highway ti Barangay Paing, Bantay, Ilocos Sur.
Nabigbig ti drayber ti Suzuki Raider a ni Romeo Quias Vista, agtawen iti tallopulo ket dua, taga-Barangay Magsaysay, Santa.
Iti pannaki-uman ti Bombo Radyo Vigan ken ni Police Captain Donaldson Pagalanan, nakainom ti drayber ken napaspas ti patarayna.
Idi naawanan iti kontrol iti manibela ti luganna ket nag-slide iti kurbaan a paset ti kalsada.
-- ADVERTISEMENT --
Nadunor ti nadumaduma a paset ti bagi ti drayber a naipaagas iti ospital ngem saanen a nakalasat gapu payen iti internal bleeding a sinagabana.
