VIGAN CITY – Naipaagas iti ospital ti drayber ti kurong-kurong gapu ti napasamak nga hit and run idiay Barangay Calanutian, Sinait.
Nabigbig ti nagmaneho ti kurong-kurong a ni Manny Rarallo Tamba, agtawen iti tallopulo ket dua, mannalon, awanan iti driver’s license, agnaed iti Barangay Tubigay, Sinait.
Ti nakadungpar a lugan ket pick up a minaneho ni Ely Arnold Mabanag Leaño, agtawen iti pitopulo ket walo, retirado a nurse, bakasyonista manipud London, agnaed iti Barangay Palyas Vintar, Ilocos Norte
Agpapa-abagatan ti kurong-kurong idin ta nasagid ti napaspas ti patarayna a pick up nga agturturong met laeng iti abagatan a direksyon.
Gapu dayta, nadunor ti takyag ken natukkol ti akin-kannawan a saka ti drayber ti kurong-kurong.
Ti met lugan ket adda napitpit a pasetna ken naikkat ti akin-likudan a signal light na.
