--Ads--
Kritikal ti maysa a nagmaneho iti kurong-kurong gapu iti pannaka-aksidentena iti national highway ti Barangay Ballaigui, Sinait, Ilocos Sur.
Nabigbig ti drayber a ni Randy Bautista Bermudez, agtawen iti uppat a pulo ket maysa, awan ti driver’s license-na, taga-Barangay Cabulalaan, Sinait.
Agpapa-abagatan ti drayber idin ta saanna a nakontrol ti manibela ti luganna ket nagbaliktad ket nadunor ti nadumaduma a paset ti bagina.
Iti pannaki-uman ti Bombo Radyo Vigan ken ni Police Captain Bryan Romeo Lopez, nakainom ti drayber idi napasamak ti aksidente.
-- ADVERTISEMENT --
Innayonna nga ulo ti tama ti drayber nga iti agdama ket maob-obserbaran iti Intensive Care Unit.
