VIGAN CITY – Dead on arrival ti drayber ti bus a ni Melchor Molina, agtawen iti limapulo ket dua, taga-Barangay San Isidro, San Juan gapu ti aksidente idiay Barangay Poblacion West, San Ildefonso a nakairamanan ti maysa a bus a minanehona ken trak.
Nabigbig met ti nagmaneho iti trak a ni Rudy Centino, agtawen iti tallopulo ket pito, taga-Caba, La Union.
Iti pannaki-uman ti Bombo Radyo Vigan ken ni PCapt. Alberto Ramos Jr., agpapa-abagatan ti trak idin ta bigla a simrek ti maysa a motorsiklo iti national highway a naggapu iti barangay road a daytoy ket linisyan ti trak isu a napan iti bangir a linya ket naidungpar iti bus.
Gapu dayta, naipit ti drayber ti bus pakairamanan ti estudiante a pasahero idinto a saan met a naan-ano ti drayber ken ti pahinantena.
Naipaagas iti ospital ti drayber ti bus ken ti estudiante a naipit ti sakana ngem nupay kasta ket naideklarar a dead on arrival ti drayber ti bus.
Naituding met ti panagpapatang ti agsinnumbangir a partido inaig ti pasamak.
