Maysa a drayber ti natay iti panagdinnungpar dagiti dua a motorsiklo iti provincial road ti Barangay Santo Tomas, Candon City, Ilocos Sur kangrunaan iti sangwanan ti Agri Gas Station.
Ti drayber iti Honda Click ket agtawen iti sangapulo ket walo, taga-Barangay Bidbiday, Galimuyod.
Ti met nagmaneho iti Yamaha NMAX ket agtawen iti tallopulo ket siam, taga-Barangay Calangcuasan, Salcedo, backrider-na ti agtawen iti sangapulo ket siam, taga-Barangay Mabayag, Galimuyod.
Agpada nga agpapalaud dagiti dua a motorsiklo, ket idi madanonda ti nakapasamakan ti aksidente, nagsikko ti Click nga isu met ti gundaway a pannakadungpar ti sumarsaruno kenkuana nga NMAX.
Nagsagaba iti dunor iti ulo ti nagmaneho iti Click idinto a ti drayber ti NMAX ket nadunor met ti kiday ken mugingna.
Naitaray nga agpada dagiti drayber iti ospital ngem dead on arrival ti drayber ti Click.
Kabayatanna, ti backrider ket nadunor ti akin-kannigid a takkiagna ngem saanen a nagpaagas iti ospital.
